06 Октябрь 2020

Кыргыз Республикасынын Бизнес-акыйкатчысы бизнестин жана ишкерлердин мыйзамдуу ишмердүүлүгүн калыбына келтирүү жана экономиканын калыбына келишин камсыз кылуу максатында, түзүлгөн кырдаалды Кыргыз Республикасынын мыйзамдарына ылайык эртерээк тынчтык жолу менен жөнгө салууга чакырат

Кыргыз Республикасынын Бизнес-акыйкатчысы өлкөдө учурдагы кырдаал боюнча жана ал кырдаалдын чарба жүргүзүүчү субъекттерге тийгизген таасирине болгон өз тынчсыздануусун билдирет. Ал маселелерди өлкөнүн мыйзамдарына ылайык тынчтык жолу менен чечүүгө, ишкерлердин жеке менчигин коргоого жана бизнестин жана ишкерлердин ишин улантуу үчүн кырдаалды тез арада турукташтырууга чакырат. Буга чейин COVID-19 пандемиясы учурунда көптөгөн ишканалар катуу жабыркаган. Бул жоон топ чакан жана орто бизнестин өкүлдөрүнүн жумуш орундарын жана кирешелерин кыскартуусуна алып келген. Көптөгөн ири ишканалар суроо-талаптын бир кыйла түшүшү жана ишкердүүлүктүн төмөндөө көйгөйлөрүнө туш болуп, абалы жакшы эмес. Азыр бизнес колдоого жана туруктуулукка муктаж. Бардык аракеттер бизнес субъекттерин колдоого, бизнестин жана инвестициялардын туруктуулугун сактоого багытталышы зарыл. Ишкердик субъектилеринин толук корголушун, мамлекеттик органдардын укуксуз жана мыйзамсыз жүрүм-турумунун алдын алуу, рейдердик басып алууларды жана каракчылыктарды алдын алуу, жеке менчиктин жана ишкердиктин мүлкүнүн толук сакталышын камсыз кылуу шарт. Өлкөдө болуп жаткан окуяларды бүткүл дүйнөлүк коомчулук, анын ичинде иштеп жаткан жана келечек инвесторлор да тескеп жатышат. Өлкөдө болуп жаткан өзгөрүүлөр кооптонууну жана тынчсызданууну жаратпашы керек, тескерисинче, ишкерлердин жана жеке бизнестин укуктарын жана кызыкчылыктарын коргоону күчөтүүгө алып келиши керек, бул бизнес жана инвестициялык климатты жакшыртып, экономикалык өнүгүүгө өбөлгө түзөт. Бизнес-акыйкатчы бардык тараптарды, ошондой эле жарандарды жана шаардын тургундарын кыраакылыкка, абийирдүүлүккө жана акыл-эстүүлүккө чакырат